Հայաստանի պետական տնտեսագիտական համալսարանի ռեկտոր Կորյուն Աթոյանը և ՀՀ Բնապահպանության նախարար Արամ Հարությունյանը մարտի 30-ին ՀՊՏՀ-ում ստորագրեցին համագործակցության պայմանագիր, որով համալսարանում կիրականացվի “Տնտեսագիտական գործունեության բնապահպանական փորձաքննություն” մասնագիտացմամբ մագիստրոսական կրթական ծրագիր:
Սա ՀՊՏՀ-ի կողմից գործատուի հետ կապերն ապրապնդելուն և համագործակցության ճանապարհով հանրապետության համար որակյալ կադրեր պատրաստելուն միտված 6-րդ պայմանագիրն է: “Ծրագիրը նոր է, որը կգործարկվի մայիս-հունիս ամիսներին մագիստրոսական խմբերում, իսկ սեպտեմբերից կսկսվեն դասերը, որոնք նպատակ ունեն պատրաստել ոլորտի նեղ մասնագետներ: Քանի որ առանց գործատուի բուհը չի կարող որոշել շուկայի պահանջները, մենք ուզում ենք համագործակցել նաև գործատուների հետ, ինչը կհեշտացնի ուսանողների` հետագա աշխատանաք գտնելու հարցը: Մենք պետք է պատրաստենք այնպիսի մասնագետներ, որոնք պահանջված են գործատուի կողմից”,-ասում է ՀՊՏՀ ռեկտորը:
ՀՀ բնապահպանության նախարար Արամ Հարությունյանը նույնպես նշանակալից է համարում պայմանագիրը, որով հիմք դրվեց մի գործընթացի, որը, իր համոզմամբ, պահանջված է էկոլոգիական խնդիրներ ունեցող մեր երկրում: «Տնտեսությունը ենթարկվում է շահագործման, մենք պետք է ամեն ինչ անենք, որպեսզի շրջակա միջավայրին հասցվող վնասն իջեցնենք ամենացածր աստիճանին»,- հայտարարեց Արամ Հարությունյանը՝ հույս հայտնելով ՀՊՏՀ ուսանողներին մոտ ապագայում տեսնել` զինված գիտելիքներով և հմտություններով, քանզի լավագույն մասնագետների կարիքը շատ է զգացվում:
Բնապահպանության նախարարը բուհին նվիրեց կենդանիների և բույսերի կարմիր գրքի նոր հրատարակությունը և հույս հայտնեց, որ հետագայում դրանք կբարակեն:
Սաթենիկ Աբրահամյան
econews.am
For english version
here