Մոխրածաղիկ. ՀՀ Բույսեր

Մոխրածաղիկ , (լատ.՝ Cineraria maritima) պատկանում է բարդածաղկավորների ընտանիքին։

Կենսաբանական նկարագիր
Դեկորատիվ ծաղկեգործության մեջ օգտագործվում է մերձծովյան հալևորուկը (Cineraria maritima L.)։ Բույսի բարձրությունը հասնում է մինչև 35-40 սմ։ Ամբողջ բույսը ծածկված է, սպիտակ, արծաթավուն թավով, տերևները երկարավուն են, խորը կտրտված տերևաթիթեղով։

Օգտագործում
Բազմամյա բույս է, սակայն ծաղկային ձևավորումներում օգտագործվում է որպես միամյա, որովհետև առաջին տարում բույսը գեղեցիկ է և 15 սմ-ից ավելի չի բարձրանում, իսկ երկրորդ տարում կորցնում է իր դեկորատիվ տեսքը։ Օգտագործվում է գորգային ձևավորումներում մեծ մասամբ եզրագծերի համար, երբեմն նաև փոքր խմբավորումներում։

Մշակում
Շատ լավ է տանում խուզումը։ Տնկումը կատարվում է արևոտ հողամասերում, բույսը բույսից 10 սմ հեռավորության վրա։ Կիսաստվերում տերևների գույնը խամրում է։ Գլխավորապես մշակվում է սպիտակ, պայծառ ձևը (Cineraria mar. Diamant), որը մեր կլիմայական պայմաններում լավ է ձմեռում։ Բազմացվում է սերմերով երբեմն նաև՝ կտորներով։ Ցանկը ջերմատներում կատարվում է հունվար-փետրվար ամիսներին, ցանկարկղերի մեջ, ցանկի համար նախատեսված սովորական հողում։ Ծլում է 7-10 օրվա ընթացքում։ Ծլունակությունը պահպանվում է 3-4 տարի։ Մեկ գրամ սերմում պարունակվում է մոտավորապես 7000 հատիկ։ Նախասածիլումը կատարվում է արկղերի մեջ, որտեղից փոխադրվում է ծաղկանոց։

 

Օրացույց
Ամենադիտված
Այսօր
Այս շաբաթ
Այս ամիս
Մենք Facebook-ում